Hercegovački fratar zahvalio Bogu što Hrvatska nije pobijedila na Evrosongu

SPLIT – Fratar iz Hercegovine Mario Knezović zahvalio je Bogu što Hrvatska nije pobijedila na Evrosongu, jer, kako je naveo, tako “sotonisti” neće doći u zagrebačku Arenu.

“Hvala Bogu što Hrvatska nije pobijedila na takozvanoj Evroviziji. Ne mogu ni zamisliti da bi dogodine u Arenu došli neki izvođači sotonisti i tako obeščastili tlo naše Domovine. Pobjeda je što nismo pobijedili”, napisao je fratar Knezović na svom Fejsbuku.

Njegova objava izazvala je brojne reakcije i 6,6 hiljada lajkova.

“Žao mi što niko ne komentariše ocijenu ‘hrvatskog’ žirija koji ispred većinski katoličke zemlje dodijeljuje Irskoj čak osam bodova. Irskoj koja crnom trnovom krunom kruni ‘pobjednika'“, jedan je od komentara.

Netko bi, navodi se u komentaru, trebao pitati taj naš žiri (ko su oni uopšte?) jel‘ se srame zbog toga barem malo?”

“Hvala fra Mario što ste mi potvrdili da dobro razmišljam, isto i ja govorim, Bogu sam zahvalna što nije dozvolio da ovo zlo od Evrosonga dolazi u našu Domovinu!”, takođe je jedan od komentara.

“Samo dragi Bog je spasio našeg Marka od sotonističke krune. On je i onako pobjednik za nas”, naveo je jedan od pratilaca fratra.

“Hrvatska je pokazala svoje lice dodijelivši osam bodova Irskoj. Hrvatska je tu da pokaže svoju solidarnost i modernost sa ‘novim normalnim’. Baš me zanima što će biti prve subote u junu, kada pokažu svoja prava…”, upitao je jedan od komentatora, prenijela je splitska Slobodna Dalmacija.